بقلم: أ. غادة طبش
قصيدة بعنوان: حكاية شعب
احنا الشعب الفلسطيني أصحاب هالبلاد
ترابگ يهالأرض هو الزّاد والزوّاد
ونبع المي كان ومازال للثورة أسياد
بنطلب من العالم يسمع صوتنا ويلبي الندا والمناب
كأنك يا فارس ما بتعرف طبخ هالبلاد؟
هذول العرب المتخاذلين، طبقوا علينا من زمان قانون الأغراب
فأصبحت اليوم يافارس ضحية ومن غير جواد
احنا الشعب الفلسطيني أهل الكرم والجود
اسأل عنّا التاريخ اسأل الأرض المنفية
اللي بدم الشهداء مروية
أكيد حتحكيلگ حكاية بآهاتنا القوية
هذا شعب لأجل الوطن ما بينام
وعلى صقور العلم حرّاس وأقوام
لما يصرخ صرخة يدب الصوت، ولما يضرب بيضرب بعزيمة وفتية
هذا شعب أهل الكرم والجود
لما يعطي بيعطي بقلب ورب وبضحّي بدمو لأبعد الحدود
احنا الشعب الفلسطيني أسياد عز ودلال
بجُرحنا قهرنا الصّخر وعدّينا جبال ووديان
بصمودنا ذلّلنا الأسر
وبصدورنا العارية حاربنا أجبن إنسان
وبخُطى كفوفنا نسجنا الحنّة على جبين الزيتون وأغصان الرمّان
الله معگ
الله معگ يا شعب يا حامي أغلى الأوطان
يا رافع راس النّشامى
ومذلل أوطان الغرب
ونزيد على فخرك فخر ومجد
إنّگ موطن النبي وموطن الأديان.
